ان كان تبغى الجديد الشعر كله جديد والسالفه كلها طربه ووسعة صدر شاعر واغني على كيفي وباسي شديد وابني لي ١٠٠ جدر واهدم لي ١٠٠ جدر ولا همني فالاوادم زيد والا عبيد الا رجالٍ لهم عندي مقام وقدر احرص على راي راعي العرف وانشد وازيد اللي ليا قلت مدري رايه اسمع وادر اما ضعيف الروابع لو تزيد وتعيد مهما تحاول ترزه فوق يرجع حدر يا هاجسي غن كل اللي تحب وتريد فالجدي وسهيل ولا الشمس والا البدر الشعر متعه والذه فالكلام المفيد حتى التناقض حلو بين الفرح والكدر خل الذكي ينبسط خل الغبي يستفيد يمكن لو يركز بمعنى القصيده ندر ما دام ربي خلق فينا شقيّ وسعيد الطيّب اللي ليا منك بغيته قدر وان ما قدر عذره الظرف القوي الشديد ولا الردي لو زهمته وانتخيته خدر والرابح اللي عطاه الله رايٍ سديد يمناه تكفيه وبحب الاوادم جدر والحب مليون نوع وكل نوعٍ يصيد يصيد وجهٍ رضي ويصيد وجهٍ ودر واغلاه لك يا مخليني قريب وبعيد لين امتلى دفتر الايام عجز وصدر يالصاحب اللي جرى حبك بمجرى الوريد امنعني من الردى ومن الجفا والغدر خلك معي كل يوم نحب حبٍ جديد تراك لو غبت لحظه ضاع عمري هدر