يانوف هذا اللي برى الحال يانوف هذا عذاب النفس هذا قهرها هذا اللي منه العين تبكي من الخوف غصب (ن) على عيني تحمل قدرها كثر البكا يانوف يثر على الشوف وش حليتي بعينن تناثر عبرها من أول ن من زايد الشوق ملهوف واليوم رجله عن طريقي قصرها مدري جفا والا يحكمنه ظروف ليت الليالي علمتني خبرها قلبي بهم يانوف مبلي ومشغوف والعين مالدت لغيره نظرها يانوف هجره لاعني واحرق الجوف اقفى ربيع الحال واقبل دهرها يالله عسى سعي (ن) سعيناه مخلوف ويالله عسى الأيام يصفى كدرها