ياطيور الطايره كلمات زهير الدجيلي الحان كوكب حمزه ياطيور الطايره مري بهلي وياشمسنا الدايره ضوّي الهلي سلّميلي وغنّي بحچاياتنا سلّميلي ومرّي بولاياتنا آه لو شوگي جزه وتاه وي نجمه آه لو صيف العمر ماينطي نسمه والهوى (دواغ) الحبايب عذيبي يغفه وي الگصايب سلميلي ياطيور الطايره سلميلي ياشمسنا الدايره ..... ياطيور الطايره شوفي هلي وياشمسنا الدايره بفرحة هلي سلميلي الشوگ يخضر بالسلام وبالمحبة سلميلي الشوگ طير وياچ رايح عرف دربه والسمه مصحيه وصحيت انه گمر وگلب الحديثة مثل شاطي ونهر والگلب چا وين اضمه وبعد ياهو الأنشده والهوى يسافر بمكتوب بجنح طير وبگصيبة تحنت بليلة مهر سلميلي ياطيور الطايره سلميلي ياشمسنا الدايره ياطيور الطايره ....... موبعيدين اليحب يندل دربهم مو بعيدين الگمر حط بگربهم لونهم لون الربيع اليضحك بوجه السنابل وشوگهم شوگ الحصاد اليتنه حضنات المناجل سلميلي لو وصلتي ديارهم سلميلي وشوفي شنهي اخبارهم سلميلي ياطيور الطايره سلميلي يا شمسنا الدايره أحاه يا ديرة هلي أحاه يا ريحة هلي أحاه يا طيبة هلي أحاه يا جنة هلي أحاه .. أحاه