ياكامل الزين سيد البيض يالغالي..... روحي وقلبي وعيني فيك مفتونه في كاس حبك شربت المر والحالي...... وعرفت انا الحب مثل الي يعرفونه شفت السعاده وشفت المشكله تالي...... مشاكل الحب للعشاق مضمونه نار الهوى تحرق العشاق بالصالي....... ولهيبها في الضماير مايطفونه ليتك تجي ياحبيبي ويابعد حالي....... وتشوف حالي عقب فرقاك وشلونه حبيتك اول واباحبك ولازالي........ محبتك ياحبيب الروح مصيونه ياعاذلي عن حبيبي مالك ومالي......... راعي الهوى مايطيع اللي يعذلونه ما اطيع في نور عيني هرج عذالي....... مهما حكيتوا ورغم اللي تقولونه ياهل الحسد والنمايم شرحكم طالي...... وش فايدتكم من العاشق تعذلونه خلوا هل الحب يهل القول والقالي...... خلوا المشقى ينوح وتسهر عيونه كلمات :- عبيد حجاب القحطاني