حسابي الثاني تسكر (iLnAwFi1237) ميحد حمد - على ذاك الطريق/ثلاث سنين على ذاك الطريق اللي سريته من ثلاث سنين* تراودني من الذكــرى علــوم وأتهجاهـــا يحـرك هاجسي حس القصيدة وأعزف التلحين* وأعيش بجو ثاني والقوافي تطلب رضاها مـع الساعه تعــادل في دقـايقـها مـن الســـتين* وأنا أحسبها ثواني والزمن يمشي بمجراها بهـا لحظـات لو مرت على راكــان من حبلــين* نسى سيرة عذاب في سجون الترك قضاها وأنـا مــذكـر بيـوم كــان جيته مـرة أو مـرتين* مغير أشواق حول القلب بحضوره عزمناها بليلة ما حضر فيها مع الصاحب وله خصمين* شروق الشمس بالوجنه وليل في مجفاهـــا سـريته للضياع إلى مكان ما ولا أذكــر ويــن* ولا نحسب متاهات الدروب اللي طويناهــا تمر لحظة ورا لحظة وكأن ألحين غير ألحين* دروب الحــب لـو طالـت أغني وأتمشاهـــا مادام إنها حضرت ليلة ترا كل الليالي تزيــن* وعسى بحضوري تتحلى ليــاليها ودنياها وهي تأمر على روحي بــــلا بكرة ولا بعدين* فداها عمري يللـي راح ويللـي باقي فداهـــا كلام الحكمة المأثور أطلب علم لـو فالصيـن* وأنا أطلب شوفها لو هي نهاية أرض وقصاها إذا لــي أمنيه ما بين بسمتها وحــور العيــن* قــسم بـالله يللــي فكــل لحظـــة لأتمنـاهــا ثلاث سنيـن ما وجــه بعدها يستـثير العيـــن* تغلون الرمادي بعد فرجا وردي شفاهـــــا تغير نبض قلبي بعد عند ما لذت وهب البين* كأن القلب ينبض حسب وقفتها وممشاهـــا لها أيادي حضن خصر كأنه ليل شهر أثنين* تشـكل حسب بنيــة عــــودهـا ثم تلـواهــــــا تلوى نحرها والكـتف طـاونه مـن البــردين* كأن يقول هذه غايتي الأولى وأنا أهـــواهـــا ولها مجرى العواطف في عروق الدم وسط الجين* تكـــون منها دمي ومن منــشأ خلايـــاهـــا غلاها فاق الى فاق عمرها ما وصل عشرين* فكيف طافت العشرين بقدر أوصف غلاهـــا وعلى ذاك الطريق اللي جمعنا من ثلاث سنين* تراودنا حلوم بس أنا وإياها عشناهـــــــا حبيبه في فؤادي إسمها مقسوم من نصفين* نصيب أنسى جميع الناس بس لا يمكن أنساها