近年好多點心專門店冒起，想要從中脫穎而出，都真係要花點心思。呢間隱身在旺角女人街排檔旁的點心店，裝潢好特別，勁多打卡位，樓下店面打造成七十年代懷舊戲院及茶餐廳風格，二樓則還原港鐵站場景，牆上的月臺標誌讓人會心一笑，大家可以合法地在車廂內飲食了。 食過有幾款點心都值得推介下，脆皮沙爹牛肉包 $34，外皮煎得好香脆，內裡的牛肉餡滿滿沙爹香味濃郁，細細粒一份三顆剛好；粟米煎牛餅 $32，牛餅先炸後煎至金黃，外皮薯片般酥脆，內餡是混入甜玉米粒的手打牛肉，啖啖肉香不油膩；金湯瑤柱灌湯餃 $46，灌湯餃餃皮偏薄，餡料有好多豬肉及冬菇，連同鮮甜湯底一齊食，唔錯！蜜汁叉燒腸粉 $31，比一般茶樓的腸粉還要大份，腸粉好滑溜，皮薄得肉眼都可以見到滿滿的叉燒餡料。仲有好難再搵得到的傳統港式點心蜜瓜炸鮮奶 $33，外脆內流心，蜜瓜香氣與奶香交織，必點！ 喜煌點心專門店：香港旺角通菜街17號地舖 #香港美食 #旺角美食 #覓食油尖旺 #喜惶點心專門店 #旺角點心 #港式點心 #點心