المعلن: الليلة السيرك تعالوا دي فرجة تساوي جنية . قولوا هيه .. هيه هيه هيه بمناسبه هذا المولد يوجد برنامج سواريه... قولوا هيه .. هيه هيه هيه. في السيرك شجيع يهجم ع السبع ويركب دغري عليه ...قولوا هيه .. وبنات قمرات زي الشربات حلوين مش عارف ليه... قولوا هيه. بائع: سمك مقلي كل وبرق لي! صنف زي الفل. بائع: استخار واختار , فشه أو ممبار . يالله سمي وكل. عجوز: اسعى , اسعى , اسعى . مصوراتي : خد لك صورة سته ف تسعه . العجوز: اسعى , اسعى , اسعى. قهوجي: يا سي عجورة النار خسعة! فلاح: ناس من بلدنا هناك أهم. روح يابراهيم انده لهم. سلامات سلامات سلامات .. سلامات ع البلديات. فلاح: دي الحضرة والذكر انجلى. يالله بنا نذكر ياوله. المنشد: شفت ف منام صاحب المقام . ده ابهه. المجموعة: ده ابهه . المنشد: ويمامه حايمه عليه تسبح ربها . المجموعة: يانور النبي ...يانور النبي. المنشد: ميلت فوق يده وجيت احبها . المجموعة: أحبها . المنشد: صحوني م النوم خدت بعضي وتني جي ... تني جي. وبعودة..وبعودة. الجميع : الله حي. زفة المطاهر. نساء: يا أم المطاهر رشي الملح سبع مرات . في مقامه الطهر خشي وقيدي سبع شمعات. أطفال: ياعريس ياصغير . علقة تفوت ولاحد يموت . لابس ومغير وح تشرب مرقة كتكوت. في القهوة المعلم: بالذمة دا سابع عيل. مزفوف من وقت قليل. القهوجي: مولد شيلالاه يامعلم . عقبال اولادك. المعلم: كلمِ. نداءات: واحد مضبوط واتنين مصري. القهوجي : ع النار حاضر جايلك دغري. يوزع تحيات: مسا التماسي يا مسا التماسي , ياورد قاعد على الكراسي. نداء: هات شاي يا دقدق . القهوجي: عيني وراسي. يدخل الريس حنتيرة مغن القهوه الصعيدي. الجميع: سمعنا ياريس حنتيرة .. للصبح معاك السهيرة. الجميع: سمعنا.... سمعنا . حنتيرة: ياغزال ياغزال ده العشق حلال دوبتني دوب خلتني خيال ياشفتك فص فراوله ...وانا لاقوه ولا حوله شقلبتني عقلي علاولة اه ياغزال يارب ياعلم بالحال تهدي حبيبي ويصبح عال واغني وارقع بالموال... آه يا غزال المعلم: وقف ياريس حنتيرة . في ناس هنا قاعدة كتيرة . ولاحد قال هات تعميرة، ولاواحد شاي , المجموعة:ولاحد قال تعميرة ولا واحد شاي . المعلم: اللي حيطلب رح يقعد. والل ما يطلبش يبعد . زبون: يالابنا نخرج يامسعد شارع الترماي. يخرجان! في السيرك المدرب : انا شجيع السيمة . أبو شنب بريمة . اول ما قول "عالي هوب" واصرخ لي صرخة السبع يتكهرب ويبقى فرخه! المدرب: حالا بالا سأصارع . اسد انما ايه متوحش . وح خلي في وجهه شوارع . المجموعة: تسقيفة يا ناس ما يصحش . اهه جه اهه جه! تسقيفة بأه. تسقيفه امال , تشجيعه امال . تعالى لي يا حبيبي تعالى لي . خارج القهوة. الاخر : اوعد يارب اوعد ...آدي كمان قهوة . الأول : يللا بنا يامسعد , ندخل على سهوه! في القهوة الثانية الغازية: طار في الهوا شاشي وانتى ما تدراشي . طرفه شاوري عليك , حكم الهوا ماشي . حكم الهوا ماشي. هوا العصاري . ياواد , على سطح داري ياواد . خدني ورماني رماني عليك هوا العصاري. آهين ياناري ..منك ياجاري.. خدني ورماني رماني عليك هوا العصاري. صاحب القهوة: اللي حيطلب راح يقعد ,واللي ما يطلبش يبعد. الزبون: يالللا بنا نخرج يا مسعد شارع الترماي. لعبه زق الطارة