01 - Muslim - Mor Ssour2008 مسلم ـ مور السُّور [المقطع الاول] المغرب غابة دايرة بسور و مور السور كاينة بحور تطفى فيها النور تحفروا فيها قبور و قبل السور كاينة قصور فيها زهور، فيها عطور، فيها الحور تكب فكيسان لخمور و مور السور كاين مقهور واقف متلوف يشوف، يكمل ولا يرجع اللور الزمان دار و ما بغى يدور و بقى المسكين فالظلام يدور على قبرو المحفور تأمل معايا فالديكور علاش ناس واكلة اللب و ناس تهبش فالقشور الحلم حي و مطمور و بقى كابوس الواقع و الدرويش معذب مزبور من القفا منحور فالسكات غريب يبكي و يتألم و ساكن غير فالجحور الحلم ديالو طار حر هو بقى جناحو مكسور يتأمل فحلمو واش يفوت السور [اللازمة] المغرب غابة دايرة بالسور مور السور فيها جحور فيها قصور مور السور فبلادي الفقر مشهور مور السور المدبر دابر المدبور مور السور [المقطع الثاني] فبلادي الفقر مشهور فكل مكان تسمع بيه و تشوف كيف يرعى فينا مسعور الكل مفقور شي كلا كل شي و شي باغي ياكل شي و شي تنكل مغدور حياة حقار و محقور عايشينها حنا مع بعضنا ولاد الشعب المنجور جار و مجرور الكل فقاع المستنقع يزطم على خاه باش يورث النغور و الدم مهدور غير الخبث غير الكره غير البغض غير الشر منشور و القلب معسور فيه جراح ما بغات تبرى يمكن الزمان دكتور والحق منتور من يدك بالقوة و العنف حيت الظلم دكتاتور و إذا باغي ثور عمل في بالك بلي محال تقد على لي مور السور [اللازمة] المغرب غابة دايرة بالسور مور السور فيها جحور فيها قصور مور السور فبلادي الفقر مشهور مور السور المدبر دابر المدبور مور السور [المقطع الثالث] المدبر دابر المدبور ها المفعول فيه مفعول به و الفاعل ديما ما مجبور و شكون لي ما مجبور من القاضي حتى لسارق، كاينة الرشوة دستور و اللعب مستور كلشي كيتباع، إذا عندك لفلوس كلشي فالحجور و البوفري مقعور باغي يطير بين النسور مسكين هو غير عصفور و المغرب معذور كبروا فيه لكروش و بقى مفروش عوالين يردوه بور قلاع من جذور لي باغين يردواهاذ لبلاد اللور و ازرع و ميز بين هذ لبذور ما دام كاين البيور يعني الأرض باقة صالحة، باقي خيرها ميسور و راكم بين هاذ السطور و أنا فالهامش... و بين الهامش و سطوري ما كاينشي السور [اللازمة] المغرب غابة دايرة بالسور مور السور فيها جحور فيها قصور مور السور فبلادي الفقر مشهور مور السور المدبر دابر المدبور مور السور [الخرجة] أنا عارف بلي كاين مغاربة بزاف ما شايفينش السور هذا علاش ما يفهموش بزاف د الهدور المهم هوما فالهامش و أنا معاهم مور السور، قبل السور، كاملين مغاربة و المغرب حتى هو مور السور !! هاها 🚨 BEST OFF MUSLIM ➡️ https://urlz.fr/mv62 🔥 اشترك في قناة مسلم الرّسمية : https://lc.cx/NUJD Abonnez vous à la chaîne officielle de Muslim : https://lc.cx/NUJD Biographie : https://lc.cx/WsVi Booking/Press : ThuGFaCe@Gmail.com Site Web : https://www.MuslimProd.ma Suivez-nous sur: Facebook : https://www.facebook.com/MuslimProd Instagram : https://www.instagram.com/MuslimProdO... YouTube : / muslimprodofficial Twitter : https://www.twitter.com/MuslimCB1981 ©® MUSLIM 1996-2023 #MUSLIM #MOR_SSOUR #JLWK