متى ؟ كلمات: خالد الوقيت ألحان: عبدالله القزلان هندسة وتوزيع: عبدالله السكيتي تصميم: عبدالرحمن العرفج مونتاج: أنس الرثيع ------------------------------------------- متى على الله تنطفي جمرة الصيف ويهب من صوب الشمال البرادِ ونشوف بيض المزن بالجو تصافيف وميض برقه مثل قدح الزنادِ لا هلّ سيله بالحزوم المجافيف أقعد جمال الارض عقب الرقادِ وصار الثرى مابين حبران وطريف زلٍّ مزخرف مثل صنع الايادي هناك أبا اونس ويكمل لي الكيف مع رفقتي يمشون غاية مرادي لامن شكيت الهم قاموا مخافيف ثم وجهوا صوب الشمال الشدادِ يبون بالقطّار عالى المشاريف وإلا ورى الحره بذيك الوهادِ لامن جلسنا بين حمرٍ مقاييف عقب العصر والليل أقبل يهادي هبت علينا باردات الهفاهيف عطره مخلط بين نفل وكادي الله إلى مدّت زوالٍ مناظيف ثم صفف الولاّع حول الرمادِ صفر الدلال اللي بها ناعم الليف والتمر قِرّب توّ وقت الجدادِ صبوا ومدّوا ينتقون السواليف سوالفٍ بالصيد ما هي دوادي في مجلس ما عذبوه الملاقيف ما غير ربعٍ مصفيين الودادِ وقت الرخا ربعٍ كرام مواليف وعند العسر يعجبك صبر المهادِ يا مرّني عصرٍ جميل تقل طيف شرقٍ عن المظهور باتْلى جمادي عصرٍ مضى واليوم مثل الخذاريف مازال يحرق لاذكرته فؤادي حوّل على قلبي خفيفٍ كما الضيف وروّح وانا أصوّت باثاره وأنادي هذا هوايه يالرجال الغطاريف لو يكثر القولات أهل النقادي ما شاقني والله حسن التواصيف ريمٍ بعيدٍ مزبنه ما يصادِ لكن يكلفني من الشوق تكليف شمة ذعاذيع الهوى بالبوادي