من بعد متكلمنا فالفيديو السابق على سد قدوسة وشنو التأثير ديالو لا فالمغرب ولا فالجانب الآخر خلف الحدود فالجزائر ، اليوم استمرارا فهاد السلسلة على السدود الحدودية، غنتكلمو على سد آخر كيقوم المغرب بتشييدو على الحدود مع الجزائر، سد خنك كرو اللي فعلا غيخنق الجزائر، غيكمل الخدمة اللي دار سد قدوسة، وغيشكل الضربة القاضية لسد جرف التربة الجزائري وأيضا لمشروع منجم غار جبيلات اللي محتاج كميات كبيرة من المياه، وكانت الجزائر معولة على المياه القادمة من الجانب المغربي علاش كنقولو هاد الكلام، حيت سد خنك كرو تبنى على حافة مصب مائي هو الاضخم فالمنطقة، و كيتعتابر واحد من أضخم 5 سدود مغربية وبحقينة كتعدى المليار متر مكعب ، وغير كإشارة الأشغال حاليا بلغات أزيد من 50% وفمنتصف السنة القادمة غادي يدخل للخدمة هاد السد غيشكل خزان مائي عملاق لواحات فكيك او ساكنتها غيخلق لينا آلاف الهكتارات من الأراضي الفلاحية و الواحات الجديدة ، و غيكون أحسن تعويض على واحة العرجة و الملياس اللي قامت الجزائر بطرد 11 لفلاح مغربي منها قبل أزيد من 3 سنوات. و أيضا غيكمل خدمة سدود قدوسة و بوعنان و غيطع كل عروق المياه المتبقية اللي كتمر من الحدود باتجاه منطقة الغرب الجزائري و كل السدود اللي كتواجد فيها. اليوم غنتكلموا على كل حيثيا أضخم سد صحراوي فبلادنا، شنو هي قيمتو و تأثيرو على المنطقة، سواء فالمغرب أو فالغرب الجزائري بشحال غيتقام لينا، و أيضا وقتاش غتسالا الأشغال و غيدخل للخدمة، باش يكون الكابوس الجديد للنظام الجزائري بقيادة شنقريحة وكذلك اشنو علاقتو بمنجم غار جبيلات غنجاوبوا على كل هاد الأسئلة و غنقدموا العديد من المعلومات و المعطيات ، و كذلك غنشوفو موقع السد من خرائط غوغل ماب فخليكم متبعين معنا ، معكم خوكم محمد سليم، لو كنتي اول مرة متابعنا، اشترك فالقناة باش دائما تتوصلوا بجديدنا، دعمونا قدر الإمكان، كتشجيع لإستمرارنا و على بركة الله ياله نبداو