07 - Muslim - W`3aychin 2008 مسلم ـ وعايشين {اللازمة} عايشين وخى الفقر وخى الجوع عايشين وخى الدم وخى الدموع عايشين وخى القمع وخى الضغط عايشين وخى الكفر وخى السخط عايشين {المقطع الاول} عايشين كيف البارح كيف اليومة و شايفين حوال الناس لي من غدة خايفين الناس لي من حياتهم ولاو مغيلفين ومالفين وخى اتنكل فهذ لبلاد حق ليتامى و جاعوا وخى يخدم فهاذ لبلاد غير لي معرف دراعو وخى شباب هاذ لبلاد غير فلبحر ضاعوا وخى بنات هاذ لبلاد غير فالطريق يتباعوا وخى الضروڭا دور فالحوم ديالنا كثر من الحص وخى الناس لي نعثروا عليهم فالزنقة ناعسين على الدص وخى المعيشة لي غلات و المسكين مزموت وخى الدراوش لي فالسبيطارات كاتموت وخى البرلمان لي خارجة منو ريحة البُص وخى الما و الضو لي عند البوفري كابوس وخى الشحت و البحت وخى الدم و الدموع عايشين و دايما راسنا مرفوع {اللازمة} عايشين وخى الفقر وخى الجوع عايشين وخى الدم وخى الدموع عايشين وخى القمع وخى الضغط عايشين وخى الكفر وخى السخط عايشين {المقطع الثاني} عايشين وخى ديننا ولى مشبوه وخى اللحية فوجه المسلم ولات شي مكروه وخى بن ادم ولى رخيص يتباع و يتفجر وخى المجتمع يقصاح و القلوب تتحجر وخى السلطة يعني القوة تساوي تحقر وخى الشعب يعني الضعف تساوي ونطر وخى الصحة طاحت و التقاعد 2 فرنك وخى ديور رابت وكاليتونا غير بالزنك وخى ما شفنا والو من هادوك لي ترشحوا وخى ما صوتناشي ما عرفنا كيف نجحوا؟ وخى المنكر و العرى ولى عادي وخى الرشوة واصلة حتى لسيدي القاضي وخى الوقت صعاب و الطرف دالخبز عاصي وخى ما بقاو الصحاب و الخاوة يولي قاسي وخى الرحمة والو و العفة ما كايناشي عايشين و الوقت دغية ماشي {اللازمة} عايشين وخى الفقر وخى الجوع عايشين وخى الدم وخى الدموع عايشين وخى القمع وخى الضغط عايشين وخى الكفر وخى السخط عايشين {المقطع الثالث} عايشين وخى العمر ضاع بين لحيوط عايشين وخى السنين تفوت و الكل مشلوط عايشين وخى المستقبل فينا كاعي عايشين وخى ربيع الرعايا رعاه الراعي عايشين وخى ساخطين على هاذ الأرض عايشين وخى زاطمين على شوك الورد عايشين وخى نياب الفقر طاحنة عايشين وخى يد المحنة ذبحنا عايشين وخى لهموم فقلوبنا مزاحمة عايشين وخى الموت يمكن رحمة عايشين وخى أيامنا غير إعادة عايشين وخى دموع السخط هوادة عايشين وخى دمنا فالزناقي مهرق عايشين وخى ظهرنا بالدق مزرق عايشين وخى حياتنا ماتت عايشن و هاذي سنين فاتت {اللازمة} عايشين وخى الفقر وخى الجوع عايشين وخى الدم وخى الدموع عايشين وخى القمع وخى الضغط عايشين وخى الكفر وخى السخط عايشين 🚨 BEST OFF MUSLIM ➡️ https://urlz.fr/mv62 🔥 اشترك في قناة مسلم الرّسمية : https://lc.cx/NUJD Abonnez vous à la chaîne officielle de Muslim : https://lc.cx/NUJD Biographie : https://lc.cx/WsVi Booking/Press : ThuGFaCe@Gmail.com Site Web : https://www.MuslimProd.ma Suivez-nous sur: Facebook : https://www.facebook.com/MuslimProd Instagram : https://www.instagram.com/MuslimProdOfficial YouTube : https://www.youtube.com/MuslimProdOfficial Twitter : https://www.twitter.com/MuslimCB1981 ©® MUSLIM 1996-2023 #MUSLIM #W_3aychin #JLWK