http://www.4shared.com/mp3/NXpBbWM7/___-___.html هــات يـا قـلـبـي عليهم عـاد هـات يـوم شـفـت السـمـر جنّي مجبلات كــامــلات الزيـن هـن سـيد البنات أريـاقـهـم يـا قـلـب سكـر مـع نبات مآخـذين الحق بشهود و ثبات لو تشـوف البـيـض بالحنّة تهـوس فـوق شبد أهل الهوا تمشي تدوس بس نظرة وزاهــيـاتن باللبـوس وبالمـراقــــد شنهن طين الســرات اقسمت بالله و تورهت اليمين لزيد السمرا على البيضه سهمين بتدين يا حمد و انت الضمين عاملت بالدين كل الكاينات يــا عـديــم الراي يالي لي تـلــــوم السـمــر اركـن على قلبي سهوم شم راعـي مــال خـلـّوه مـعـــــدوم قيس قبلي ضيّع فروض الصـلاة جـتـنـي البـيـضـا وقالـت يا حسين ليـش زدت السمر وإحنا غايبين نـادهــم للحـكــم وإحـنا حاضــرين وإحـكـم بعدلك وخل ما فـات فـات جـن كـل البـيـض والسـمـر حضرن واهنـيـا حـسـيـن قدامه سطرن شني بـجـنــّات وأغـصــان ثـمـرن طال عمرك واحلو إقبال البنات إبــتـدن البـيـض ثـم صــارت تـقـول يا أمـيـر حـسين إسمع ما أقول وإحـكـم بـإنـصــاف لا تصير مهبول خل حـكـمـك بالعدل وإحكم ثبات مـا تـقـول ابنا وحنا مسفرين والسفـر أحسن من الظلما يقين لي نـظـرت البـيض تلقا لك جبين وخدود تاضي كالشموس الطالعات السـمـر يـا حـسيــن وش تلقى بهم لا جــمـال ولا كـمــال ولا فـهــم أِشـهـد إن البـيـض أحـسـن منهم البيض كالأمهار وإن جن مجبلات قـالـت السـمـرا عـلامـش تغلطين حنا فتات المسك وإحنا المؤنسين أريـاحنـا العنبر ومسك وياسمين حنّا هـل القعدات وإحنا الغاويات وإلا العـذارى البيض من بد الملا مالـقـاتن ما بهن نتفة حلا كـم فـتـى يـا حسين بالـسمـر إبتلى من نصـانا ما يمـل من المبـات ضحشت البـيـضـا وقالـت ذا تمـام مـا نصـاكــم واحـد إلا ويـنـام وش يجابل يا مـسـلّـم يـا سـلام السـمـر للبيض صارن خادمات شـفـت مـجـلـسنـا علينا يـبــيـطـول قلت يا غزلان سمعوا ما أقول كـلـكـن حـسـنـات وكـلـن له قـبـول كـلـكـن بالزين والله كـامــلات فـضّ مـجـلـسـنا و يينا نـبـنـقـوم يوم أخـذـنا ولا الذي جتـنا تزوم وصرخت يا حسين إقعد لا تقوم ليش تنسى السود وهن الغاويات قـلـت بـسـم الله وش ذا اللي دهـم حتى سعيده جاية تبغي سهـم إطــردوهـا يا عــساهـا للـوهــم كل برطـم مـنها عـشـر وزنـات